حب الوطن ماهو ترانيم وطموح
هذا لنا مبدأ اساسي وغايه
حب الوطن للكل ثابت وممنوح
حباً وهبه الله رفعه ورايه
حب الوطن في داخل القلب والروح
ماهو مجرد كلمةً للدعايه
وقلب الوطن والصدر للكل مفتوح
وبداخله يحمل لك اجمل حكايه
مهما تغنينا بالاصوات والبوح
انشهد انه غايتي ياهوايه
زمان كان الوقت ذابح ومذبوح
والخوف بين الناس ماله نهايه
حتى طلع فجراً ضمد كل مجروح
ورسم طريق الحق فيها البدايه
وكلاً يقول اعيش في أمن وسموح
وارويت قلبي بعد زايد ضمايه
عبدالعزيز اللي بنى مجد وصروح
خطط ونفذ كل شي عن درايه
خلّف ملوك وبيرق العز بيلوح
تشهد بها ارضي وعالي سمايه
واليوم مايحتاج له اي مشروح
الكل يطلب ودنا والوصايه
سلمان ومحمد قدح عالي الدوح
بالدين والحكمه وحلمه ورايه