شعر
أخر الأخبار

قصيدة بعنوان ” ليه يا سرب الحمام ” كلمات راشد بن محمد بن فتنة ..

راشد بن محمد بن فتنة

الولاء والانتماء

ليه يا سرب الحمام
وين يالقلب المحِّير   الغزال اللي تذير
أذكره من قبل عام   لا سلام ولا كلام
ليت ما غنى وراق جدد طعون الفراق
ليه يا سرب الحمام
—————–
منه أنا حالي تردى وكنت أظن إني مبدا
انتشيت بسحر زينه واحترقت بجمر بينه
وتهت في صحراء غرامه مهجة البال ومرامه
يا أهل المعروف وينه
—————-
آه يا دروب الأماني والله إني صرت أعاني
ولا لقيت إلا المضرة وأرجي من الله المسره
ويش تاليته حنيني خبريني يا سنيني
وش بقى لي فيك جره
—————-
أهمسي لي يا ظنوني السهر صادق عيوني
والشقاء قاسم هناي والأمل طول رجاي
واترقب فجر باكر صابر وساجد وشاكر
يا عسى يجزل عطاي
—————-
لو خريف العمر داني والفتى لا بد فاني
اتهندم للسوالف ولا أعيب ولا أخالف
يادروب الغي ماحي عنك أنا التقوى سلاحي
ومن مشى بك راح تالف
—————–
هذي الدنيا سراب لو تحلى لك شراب
تقنع الشخص بغروره وهمها تكدر سروره
لو صفت دهر ٍ تبدل ولو تكدر ما تعدل
حتى لو كان معموره
——————-
الغني حاضر وناظر معجبه زين المناظر
والفقير يزيد فقره وكل يوم يعيب فقره
في طريقه ألف راصد وبعدهم عشرين حاصد
يا كثر ما شال ظهره
——————-
يسأل التاريخ شاعر ويش رأيه في المشاعر
قال لي جدد ثيابي وش حصل أثناء غيابي
يا أهل المجد العريق كيف ما انقذتوا الغريق
سامحوني في عتابي
—————–
من طبول وسامرية عند ليلى العامرية
يشتكي قيس الملوح في منامي يوم لوح
قلت زفوها وغنت قال لي ما عاد حنت
قلت بالغدفة تطوح
—————-
هاجري حن وترفق يا عسى حظك موفق
باح مكنون الضمير وأنت شطي والمصير
وباحة العشاق تبكي وساحة الأحباب تشكي
ومطلبي سهل وعسير

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى